عندي امل باكر يجيني والاقيك
.................. واقولك في غيبتك وش جرالي
وشلون حزني هدني لين ابكيك
............... والمح على الدمعه اجابة سؤالي
وارجع اكفكفلك دموعك واراضيك
............... ويصير ماللهرج معنا مجالي
ماغير اطالع بك وارد النظر فيك
.............. ماني مصدق حلم عمري قبالي
وتاخذ يديني يامنى الروح بيديك
.............. وتقول لي ياحلو ذيك الليالي
وتقول سمعني وش اللي جرى فيك
.............. هو صدق ماحبيت غيري وفالي
والا لقيت بغيبتي من يسليك
.............. منهي خذت قلبك وحلت بدالي
واقول من غبتي وقلبي يناجيك
.............. وزولك ولالحضه يفارق خيالي
حتى وانا نايم اشوفك واناديك
............. وافز من نومي والاني لحالي
اسامر نجوم السماء مع طواريك
............. وشم عطرك مع هبوب الشمالي
واتخيلك جنبي تسولف واحاكيك
............. والناس تحسب صاب عقلي خبالي
ياقوة الله وينها بس اراضيك
............ لو باخر الدنيا بشدد رحالي
ماغير اقلب ذكرياتك وماضيك
............ وش غير ذكرانا وش اللي بقالي
مدري متى باكر يجيني والاقيك
............ وتشوف بعيونك وش اللي جرالي

الكل يبحث عن باكر وباكر يصبح امس
والعمر يمشى بدون جديد والناس تبحث عن باكر

تسلم اخى على الكلام الجميل
كلمات حلوه معطر بعطر الصدق

وما اجمل الكلمه لمن تكون صادقه وما طيب عطره

الله يعطر ايامك بكل ماهو جديد ومفيد

ولك اجمل تحيه .





.

ياقوة الله وينها بس اراضيك
............ لو باخر الدنيا بشدد رحالي
ماغير اقلب ذكرياتك وماضيك
............ وش غير ذكرانا وش اللي بقالي
مدري متى باكر يجيني والاقيك
............ وتشوف بعيونك وش اللي جرالي

كلمات تصدر من قلب مفعم بالحب
ينتظر الأمل باللقاء
هذا هو شأن المحب دائماً

ننتظر مزيداً من مشاركاتك
أظنك تصوغ مشاعرك شعراً
فالشاعر يخترق ليمنح القراء شمعة من المتعة
لا تتأخر كن هنا دائماً
فنحن نعشق مثل هذا الشعر

دمت بخير و محبة

اسامر نجوم السماء مع طواريك
............. وشم عطرك مع هبوب الشمالي
واتخيلك جنبي تسولف واحاكيك
............. والناس تحسب صاب عقلي خبالي
ياقوة الله وينها بس اراضيك
............ لو باخر الدنيا بشدد رحالي

تسلم