الواحد لما بده اهله يرضوا عليه ما بيرد عليهم..... بس لما يكونوا زهقانين
بيتفششوا فيه و هذه بعض الردود لما الأهل يكونوا زهقانين

الأب :يا ولد

الابن و بكل براءة :نعم

الأب: نعامة ترفسك تعال

الابن: ليش شو سويـت

الأب: سواك ضريب يخلع رقبتك

الابن:شو فيه؟

الام :شاوي يشوي عضمك رد على ابوك زي العالم المحترمه

الابن :هوه انا حكيت شي؟

الأب:حكحكوا جنابك بالعصايه اوقف عدل يا حيوان

الابن :حاضر

الأم: يحضروا على قبرك لما ابوك يحكي انت بتخرس

الابن:أخرس؟

الأب:ايوه ان شالله خرسه تخرسك

الابن:ماشي

الأم:اجاك مشش بركبك ما تقوم منه

الابن :شو هاد مشش.....؟؟

الأب:اما انك قليل حيا و بترد بتم امك هات العصاي و تعال

الابن:انا رديت على امي؟ماما احكي كلمه

الأم:موا يمزعك ....ماما ...حكيتلك اخرس

الابن غلب على امره و سكت

الأب:أما جيل قليل

حيا...احكي مالك انخرست

الابن: احكي؟ اذا حكيت بتشوفوا كلامي غلط

الأب:ليش عمي شايفنا و لا حول؟

الابن:لا اله الا الله

الأم :الله ياخدك يا ريتني خلفت ابن جيراننا و لا خلفتك

الأب:انا مش عارف هاد الولد متى بده يصير رجال في القعده دايما فاضحني

وين مااروح

الابن:طيب شو اعمل هلأ مشان تشوفني رجال؟

الأب:ان شالله ما تطيب اخرس

الابن:يا ربيييييييييي خلاص عاد ممكن اروح على غرفتي؟ ليش ناديتوني؟

الأم:اه صحيح انت ليش ناديت عالولد؟

الأب:بتصدقي يا مرة....نسيت مش عارف خلاص روح

انقبر