السلام عليكم ورحمة الله
أنا منزل هذا لموضوع لانو بعض الناس ميعرفو الكلام اليمني وبذات الصنعاني
اشتي = ابغى . اريد عاوزه . ابي . بدي

مشتيش =ما أبغى .ماريد . مش عاوزه. ماابي . مابدي

ذلحين =الحين . الان .. >>>هلا ..دلوقتي .

ناهي = تمام . اوكي .على طول. حاضر . بعيني . ماشي (بالمصري )
جحفه = كثير .وايد .كتير
ياعقي = يامصيبتي . يلهوتي. يويلي . يمامي

اقطب= يله . بسرعه . روح يلااا

مطنفص = يدور لكل مشكله ملاايين الكلام
مبعسس = يعمل من الحبه قبه
لووك =انسان يلف علي الحق ويظلله
خخخخخخخخخ
ابسر >> >> اربا >> >> اشمه>> ابصر >> عين >> حنتر >> هاه >> ياه >> يااايه >> ييييه >> ييه >> ييييه >>
كلها بمعنى انظر او شاهد او شوف او انتبة

وينه = اين
قوزب >> اقعد>>اجلس>>استريح>>تفضل
اين عتسير >>>> وين رايح

جي جي >> تعال >> اقرُب >> قرب >>
شلوك >> اخذوك>>شالوك
للمؤنث ( يعني للبنت ):

شلوش >> اخذوش >> رجموش >> شالوش >> نذقوش >> طيروش >>
شلوكي >> اخذوكي >> رجموكي >> شالوكي >> نذقوكي >> طيروكي
تقال ( شلوش الجن ) ( شلوش خزيمة ) (شلوش لا عندي )
ماعه = لا .ماشي باليمني بمعنى غير موافق
لقانه = لقافه = فضول

دعمم = طنش = مش في باله
نه = تمام
لاذلحينه = إلى الان = الى دلوقتي
مه = ماهو = ماذا
تيه = هذه >> ديه
مفتهن >>> مأنس >> مرتاح >> بخير > > متعافي >> مستريح >>> مخدر
وكل كلمة لها زمن
ضابح = طفشان
مفجع = مخوف
طمطسه = طماطم
مصمصي =مليمي = مصاميص = ابو عودي
قريحه = طماشه = طماش
اباه ( يمني ) = ابويا ( خليجي ) = بابا ( للدلوعين )
مجابره = سوالف = محادثه
مجعجع = مبهذل =مسكين
اخطى = امشي = تحرك = سافر
زباج = كوميدي . ظريف . مضحك
خاطرك او خاطركم= يله مع السلامة .نلاقكم على خير ....تقابل باي باي
يا معناه = اسئلك بالله = قواء = الله يخليك = أرجوك
مقطقط >> مبسق >> معضل >> واني >> مناطل >> لاغب >> تاعب >> مريض
قد انا مقطقط
قد انا معضل
قد انا لاغب
قد انا تاعب
قد انا مريض
قد انا تاعب
قد انا مبسق
فلع = شرخ . شق . شط . مشروخ
مجعار =حجره >> حجر
غاثي او غاثيه = زعلان او زعلانه
دكمه = ضربه .دقه .خبطه
للمه كذية
للمه كذيه ( حقي )
ليش كذية
لمو هكه
ياسعم ليش كذية
يازعم ليش كذية
كلهن بمعنى ( لماذا تعمل هكذا ) (ليش كذا )
(عتسطى ) يعني عتقدر
(مابش) يعني مافيش
اضوي= اسير ار وح اخرج اطلع من البيت تخرجووووو والاا من اي مكان
اخر >> ابعد >> وخر >> انقلع >> بعد >> اسكه>> افسح
اطمس =.. يعني امسح
هنا = اونه >> هانا
قاهي الا هي >> يعني قدي الاهي مابش غيرها >> اصحاب القحمليه هههههه
نكع = سقط >> اندرب >> طاح
مايسبرش
ماينفعش
مايجوزش
كلها بمعنى ( لا يصلح )

ادي>> هات>>> قيب>>قيبها>>>>>>>> بمعنى اعطني اياها
اوي ريع راوع = انتظر
بابع
دادح
جعالة
بمعنى شي يأكل لذيذ كا الشوكلاتة ( الشكلاطة - الشكلاتة - الشقلاطة ) ههههههه
زره = سمخ = عفط = قوي
معراد = صايع

جعلي مكسر = يدعوا على نفسه بالكسر
جعلي العافيه= يدعي لنفسه بالعافيه
جعلي هريش وسمن= ههههههههههههههه
جعلي عودي = المعنى في بطن العجايز اسالوهن ههههههههههه
ياجلي جلاه= يالهوي
ويش ذيت تقول= ماذا تقول
مو تخبر = بنفس المعنى ايش تقول
اشبح .>> ازقم >> امسك >> اللقط
زبطه = ركضه = رفسه
اخفع >> اندع >> اجلع >> اصرع كلها بمعنى اضربه
جنه ملان الدرجان <<< الورد كثير في بيتك
الديمه= .. المطبخ
التنجره<<<هي الصحن الي يحطو فيه الاكل
بلشي = الغي ، طنش ، ما ابغاه خلاص ،
حيا <<<< ياهلا
بزي (ابن الاخت )
مبحشم (مخزن القات)
مطنن
مسوم(مدوخ)
اجمع دومان( ركز)
بيعه ( كراث) من البقوليات
سمعه(مشهور)
سلته او فحسه (مأكولات يمنيه)
مرتق( كأس او كوب او قلص)
كريك (مجرفه ) حق الشقاه
صبوح =معناها الفطار او الفطور
سااااااااامج < < مو مملوح او طعمو مو حلو او طبعه مو حلو
هرب =فحط .دحاء هههههههههههههه
ولد(اللم بالفتحه)
ولد(اللم بالكسره)
فتى
زلمه
بوي
شب
صبي
غجين
دهليز =مخزان بمعنى مخزن

اين ستذهب = فيين با تسير في رداع =
=اين عتضوي في صنعاء
= اين سارح في ذمار
=وين بايك في الحديدة
هذا بعض الكلمات الشائعه واذا كنت على غلط في شي
ارجو من الاخوان التصحيح في ذلك
الطماطم .... طماطيس
خروف .... طلّي
ثعلب .... ثعل
ضفدعة .... عجعجه
الحيد .... الجبل
الصناج .... الاقفال
العشي .... وقت الليل
السود ..... الفحم
الداير .... المفتاح
المدرة .... وهو الاناء الفخاري الذي يعمل به السلته والفحسه
الغب .... بمعنى العمق ويطلق للاصل
القضاض .... خلطة تتكون من الحصى والنورة والماء وتستخدم للطلاء قديما
الزلط .... بمعنى فلوس او المال
المنقل .... الاسكافي
الجُـبا .... السقف
البقعة .... المكان
الادات .... الثياب
القنوع .... ويطلق على الخبز
تـُتنْ .... التنباك
شركة .... لحمه
مطراق .... الحارة
الجربة .... قطعة الارض
الصومعة .... المئذنة
الجولبة ..... اليمامة
المفلق .... الحطاب
وشك .... الوجه
التجواب .... سور السقف
المطبخ .... ديمه
الجونيه .... الشوالة
قطة .... دِمه
قريح .... طماش – العاب نارية
جعالة .... الحلويات بانواعها للاطفال
زوم .... العصيد مع الحقين ( اللبن الرائب)
ترتر .... زيت سمسم – جلجل
القاع .... الارض
شرق .... متأخر
الادوات :
ماشي لا
جوّا – قوّا .... للترجي
معْ .... لا
يعوه .... للفجعة
ريع .... انتظر
شوعه .... قبيح
ذلحينه ... الان
نلوي .... نلف
صلّيا .... جهتي
ماقد به .... مالذي حصل
تيه .... هذا
مشو ذيه .... ليس هذا
هانا .... هنا
ضاك- ذيك .... ذاك
ياجناه .... كلمة تقال عند الانزعاج
عاد به .... عاد باقي
هنيه .... هنا
برطمه .... تكشيرة الوجه
سعليك .... وتقال للتهدئه والتطمين
اسكه .... ممكن
الافعال:
يذبل ..... يرمي
يعطي .... يدّي
اوبه .... تنبه
يسكي .... يقدر او يستطيع
اهتفج .... سقط
اقطبو .... اسرعوا
تقعم .... تثائب
نبع .... قفز
زقم ... مسك
يدسع .... يدعس
قنبر - جنبر ..... اجلس
يفتهن .... يرتاح
يبحشم ..... يخزن
يدكي ...... يتوكأ
اضوي ..... روح
اسبك ..... نظم
يتراشي .... يراضي
سنـّـب ..... وقف
اهجف ...... ارجم
احزقه ..... اربطه بقوة
احجرو .... زغرطوا
تخطى .... تمشي
تمسي ..... تنام – تسهر
ادربت ..... سقطت
الصفات :
اللبج .... الضرب
القما .... القلق
حوميش ..... حظي
طعيم ..... طعم حلو
اللغماجه ..... البقية
شانني .... الريح القليلة ( التيار القادم من فوهة صغيرة)
غدر ...... مظلم
مهنفل ..... غير مرتب
خيرات ..... كثير
جميل ..... حالي
مطنن ..... مخدر
دلع ...... غُنـج
التبرصاص ..... المظاهر
قحصة .... جدمه
الشارعة ...... الخادمة او التي تخدم العروسة في ايام عرسها
عسب العيد ..... هدية اوفلوس العيد
مدلوز ...... بمعنى قريب من مجنون
بتزوط ..... قمه الخوف
اصوع ....بليد
يلله والباقي عليكم يا شباب وشابات ......... دمتم بالف ود




مع حبي:
دموع الثلج

هههههههههههههههههههههههههههههه

ماشاء الله عليش

امانه انش عسل

مووضع رهيب

ولاعاد خليتي حااجه ماقلتيها

ايجبرنا بعاافيتش

هههههههههههههههههههههههههههههه

ماشاء الله عليش

امانه انش عسل

مووضع رهيب

ولاعاد خليتي حااجه ماقلتيها

ايجبرنا بعاافيتش




تسلموا ياروحي
أمانة هي عيونكم الحاليات
جبرني بعافيتكم

الغاليه دموع الثلج
ناهي لك ناهي قدني ابسرت موضوعك وقلت ما عذر ما ادخل ارد عليش
تصدقيني ان موضوعك حالي الحلا كله بتكلم ذماري مش صنعاني ة_ة

تسلم يدش

هههههههههه

امانه انو مووضوع ضخم واحد يحس بشجن وهو يتحاكا نصعااني

ريحانه انتي صنعانيه عادني بقول لش شي بس نسيت
يالله ما عذر من خير كنت بباب اليمن وانا سمعت ثنيتن امهات كبار في السن اتوقع انه ما بين 30 و 40 بيحكين صنعاني قلت بسجل كلامهن بالجوال بس استحيت واخذت نفسي ورحتلي
بعدين الناس عيونهم ماشاء الله عليهم مثل عيون الصقر

نفتح الموضوع بالكلام الصنعاني ولا يهمش

مااشء الله ماعدلا تسجل النسووان وهن يتحاكين

ايوقع لك عمل عااقبه

هههههههههههههههه
بس كلامهن حلوو خصوصا لما يكون الكلام باللهجه العاميه
انا عادني شافكر في الموضوع
ريحانه قلتلش ما صدقتي
بس كما قلت فوق خير ياطير خير

وينش ريحانه ؟؟؟

هوذني هااه

خلاص وانا مريعه

للمجابره نااهي..................

ههههههههههههه
جالسه تجابرين صاحباتك

ونستيني الموضوع الصنعاني
هههههههههههه

يعطيك العافيه اختي دموع الثلج ماقصرتي
فعلا بعض الكلام ما نبصره ومانعرفه

ربي يبارك فيك الف شكرررر

دمتي في حفظ الرحمن ورعايته

يعطيك العافيه اختي دموع الثلج ماقصرتي
فعلا بعض الكلام ما نبصره ومانعرفه

ربي يبارك فيك الف شكرررر

دمتي في حفظ الرحمن ورعايته


تسلم اخي صالح
دمت بود

السلام عليكم
هذة رسالة الى كل الأعضاء من يدخل موضوع اللهجة اليمنية الصنعانية
التحدث باللهجة الصنعانية
القاموس الصنعاني موجود عندكم في اول صفحة
يوووووووووووه جبرني بعافيتكم
وتسلموا ريحانة صنعاء وسراب العيون
على التحدث بالصنعاني

ابو عبدالله نش ماابصرته
لالالا

انماا ماابسرته

خلاص دموع ابشري صنعااني من الفليحي وباب السبااح ماتجي نفسش الاطيبه

هههههههههههههههههههه

ريحانه انتي تجابري نفسك
قده الكبر معاك بعذرش ^__^

دموع انا بجي الموضوع اجابر مش جاي اضارب انا و انتي
هههههههههه

ريحانه شلو ابليسك دموع جالسه تمدحني وانتي ساكته
يخرب بيتش
هههههههههه

مالك سراب العيون ماقد بة للمضاربة صلي على النبي ورمضان كريم

احمد مالك
اليوم او محمي ولاشئ

او العشااء كاان عصيد رزم عليك

من بيجابر نفسه انا او انت

امانه يادموع اشهدي

ما شاء الله .. موضوع باااااااااااااااهر قوى ..


ما بلا اوقعو حالين ... صومو سع الناس . و لا عد اقلب الوجه الثانى هههههههههههه


خاطركم ... امي حنجه بتصيح لي ..

حيّا وقوّا حيّا لا غيبك عليّنا اخي الناري

ههههههههههههههههههههههههههههههه


امانه ااني ضحكت من قلبي لما لبسرت تعليق

النااري
هيا سلموا عل امكم الحنجه

دموع ايجبرناا بعاافيتكم
ههههههههههههههه

دوع ربي بيجربش دنيا واخره

معلومتش وصلت

هذا الموضوع اعجبني خيرات قوية قوية
عيدحنش عيسلمش عيحفضش اختي الكريمة على هذا الموضوع
يستر عليش
موضوع مفيد جدا للمغتربين وايضا لاشهار ثقفتنا اليمنية نرجو منكم ان تكثرو منها
جزعتي من الموضوع وخالص ودي وتقديرية لكاتبة وجزاش الله خير

المحبوب تصدقني اني قلتها بقولها نفس كلام

جبرها ربي تستاهل كل خير

دموع جبرش ربي على القاموس هذك

^______________^

هذا الموضوع اعجبني خيرات قوية قوية
عيدحنش عيسلمش عيحفضش اختي الكريمة على هذا الموضوع
يستر عليش
موضوع مفيد جدا للمغتربين وايضا لاشهار ثقفتنا اليمنية نرجو منكم ان تكثرو منها
جزعتي من الموضوع وخالص ودي وتقديرية لكاتبة وجزاش الله خير




حيا أخي المحبوب

يعطيك العافية ونحن في الخدمة دائماً وتسلموا

المحبوب تصدقني اني قلتها بقولها نفس كلام

جبرها ربي تستاهل كل خير

دموع جبرش ربي على القاموس هذك

^______________^


تسلموا على جيتكم لتيه الصفحة

قدني شقولش الموضوغ ايشه بس نشوف الحلقه اول جق كيني ميني وبرجعلش
هههههههه

جبرني على موضوع امانه انه هوكه

ماقد بسرته الا ذلحين بين ابعسس في المواضيع وبسرته


تسلمي يانظر موضوعش قوي حالي

جبرني على موضوع امانه انه هوكه

ماقد بسرته الا ذلحين بين ابعسس في المواضيع وبسرته


تسلمي يانظر موضوعش قوي حالي


حيا بنت ملاك فوق عيني وراسي
جبرني بعافيتكم

شلوش الجن يادموع انا قلت ان موضوعش قد تغلق جالسين ندوره من صباح الله طلبناك
وينش ياملاك بكره بروح ادوام في الحمراء
ههههههههههههه
هههههههههههه

مالك سراب العيون
مش وقت الجن اخر الليل
..................مالك....................

صدق انه قده وقتهم ذلحين

وينش انتي وموضوعش شلو ابليسش

ههههههههههه

يؤؤؤؤؤؤؤؤؤؤؤؤ
مالك ما فهمت ما تشتي مع السلامة تصبح على خير
سلم على الشياطين والجن الذي عندك
اعوذ بالله من الشيطان

والله قدني فيني نوم واني بكتب بنص عين
هههههههههه

خاطرش
هههههههه

مالكم بتتصايحوا امانه لا اجر الصميل وطوا اصواتكم قومتوا الناس هههههههههههه

يو والحلا في ذية الموضوع هوكة مابعدهامن هوكة اللة يسلمش يادموع الثلاج

حيا حيا بالغنوجه نورتي المنتدى بعد محاولات كثيرة جنه لش *_^

حيا ملان الدرجان
فوق عيني وراسي ياغنوجة

تسلموا بنت ملاك على التثبيت

ليتش معي وانا معش اسمع كلامش و افهمش
خخخخخخخخخخخخخخخ
انا معرفش اتحاكى صنعاني لكن بحاول

جمعه مباركه يا اهل صنعاء هههههههههه

حظية اقصد شقيه ههههه توقيعش جنان والبنت قمرية اشتي اخطبها لابن اخي هههههه

حيا لسعة شقاوة جمعة مباركة
كيف أنتو بنت ملاك جبرني بعافيتكم

حرام انكم تحفه قدني شاطفش منكن يابنات

جمعتكم مباركه
وخارطكم برجع يوم الاثنين
دخلت اسلم عليكم وطالع

دموع الثلج سيري اعملي الفطير فيسع هع هع


سراب مالك مستعجل كون اكتب سوا قال خارطنا هههههههه

ملاك أنا مشني دارية ماهي الفطير
وانت يا سراب مالك سبحان من خلق................أكمل
هههههههههههههههههههههههههههه

صدقي ان قده الجنان بعينه ياملاك


الله يعزنا عز لا يهان

قدني عارفش صاحبة مقالب تلاحقني الغلط وينكم
هههههههههههوبعيدن وين المشكله لو قلت خارطكم مش خاطركم
هههههههههههههههههههههههههه


يالله قدني شاجن هذه اليومين
شاغل لي بالي خيرات

وانتي دموع سبحان من خلق وصور مالش قالبه وجهك علينا

ما قد عملنا لش

سبحان الله ربي يطرح حكم في خلقه

حرام انكم تحفه قدني شاطفش منكن يابنات

جمعتكم مباركه
وخارطكم برجع يوم الاثنين
دخلت اسلم عليكم وطالع

طالما وانت قدك طاافش

يووووووووووووووووووو

جعلي العافيه

مادااكم هانا

او به شئ ولاشئ

ماديلكم مابتدورا ياحج احمد

كيف انتو

دموع وين انتو بين اتصل لليبت وماحد بيجااوبني

ياعيبتش والقسا حن تسخوا عليا

ما بين ادور شي
شاسافر وارجع يومين
المشكله حانب بموضوع قدني مجنون خارج التغطيه

يالله شاشل عفشي معي
ههههه
خاطرش ياحجه ريحانه
هههههههههههههه

الله معك

رد الباب بعدك لايدخل شانني

؟؟؟

ما هو ما بتقولي ممكن ترجمه ايش يعني رد الباب وراك

ههههههههههههههههههههه سراب هذا وانت بصنعاء هههههههههههه يعني قفل الباب بعد ماتخرج ههههههه

لا بعرف الكلمه بس بسال ريحانه ليش ارد الباب وراي مستغرب من كلمتها
لها اكثر من معنى وتفسير عندي

الكلام الصنعاني

مميز عن بقية المحافظات
خاصة اذا تكلمين النسوان بس الرجال بيكون ماسخ قوي
تسلم يدك دموع ابدعتي وبدعتي

همسه اقولش شي كل واحد يشوف الناس بعين طبعه

انتي مناصره دائما لصاحبتش
نشوفك في حلقه جديده
كيني ميني
ههههههههههههههههه

:hdhd37: همسة اليمن :hdhd37: :hdhd37:

لا والله اشوفك في برنامج
عـــــــــــــلاجــك عــنـــــــــــــــدي
تعال والله تكون بخير

وانا بشوفك في برنا مج شلوك الجن

قدني شاشوفك في علاجش عندي
هههههههههه
كيتي ميني احسن منه

لا تبخسي بالبضاعه
ههههههههههههههه

احمد ماابش معك غير هذه الكلمه

اقلك كن ارقد سوى شكل مابترقد تبكر ضاابح

تلاطم الجن

همسة اليمن


هههههههههههههههههههه


خلي مطعفر يرد هانا

يطيرنا كلنا ههههههههههههههه

مسيتو هموسة حيا حيا وياهلـــــــــــــــــــــــــــــــــــــــــــــ ــــين ههههههه

مساكم الله بالخير والعافيه

من جانا جيناه
وينكم ياهموسين

^_^

حيا ملوكه
كيف حالش ؟؟
مال الموضوع بارد
مال الناس ما بتتحاكى
ممنوع التدقيق في كلامي
خخخخخخخخخخخ

السلام عليكم كيفكم ياحلوين

ان شاء الله تكونو بخير

ههههههههههههههههه مال كلامش لسعه شقاوة جنان ولا به اي غلط يانظر


سراب حيا كيف انت قولي انت عتذبح كبش العيد صوره لنا هههه

ما شاء الله على قد موضوع حالي قوي كثر الله خيرش دموع الثلج حبيت اشارك وأسبر شوية حوكا وازيد شوية :-
مرتق=الدبس الذي رتق به الملابس
سامج= ثقيل دم

تافل= قليل الملح
عق= الملح زائد
قب= مر
حالي=كثير السكر وتأتي بمعنى جميل أيضا

شوية=قليل
خيرات=كثير

جري،شلي،بزي = احملي وخذي
سعليك =لا تخاف
احملي =أجري،أركضي
انبعي= اقفزي
عرطه= لقطه
فرسك= خوخ
قشمي= فجل ابيض
تاروته= شبت
رومي=ذره
بلسن=عدس
عتر= بازلاء او فول
قحطه= الحبه السوداء
طاقه= شباك
دوح= الاناء الكبير جدا من الفخار يخزن فيه الماء
زقزقي =الشارع الضيق
ماسه= طاوله
مشن= غربال
صفيف=رف على الجدار
ثلاجه=ترمس الشاي
بردق= فنجان الشاي او القهوه
قلص= كوب الماء
شاف=ابريق الماء
زنه= فستان المرأه ،ثوب الرجل
صارميه=طرحه ،الحجاب الذي يوضع على الرأس
شرابات= جوارب
فوطه= تنوره
أصبن=اغسل الملابس
اغسول= اغسل الصحون
ارفع= ارتب
جبا =سطح البيت
عسب=عيديه

غواث =الاكل مابين الغداء والعشاء
اصبحتوا= صباح الخير
امسيتوا= مساء الخير

وأذا ذكرت شي شازيد اخطه اي اكتبه وان شاء الله اكون افدتكم

نورتي الصفحة بكلماتك
جبرني بعافيتك يا غالية
انتي الرائعة
الموضوع تحت امركم
تسلموا يا روحي

حيا باليمانية نورتي الموضوع وهمسات بكلها


تسلمي على الكلمات اغلبهن اعرفهن

بنوركن دموع الثلج وبنت ملاك سلمتين من كل عنا وما يأمرش عليش دموع الثلج عدو ولا حبيب

ماشاء الله عليكم-ن

الحين احنا في انتظار اللهجه الصنعانيه ايام العيد
نتمنى ان انسمع كلمات جديده تتردد ايام العيد .او اسماء ماكولات وحلويات عيديه صنعانيه.

وانا من زمان اشتي اتعلم اللهجه الصتعانيه

احلى موضوع واحسن اختيار سلمت يداك صاحبه الموضوع.

عيدكم مبارك iben-zeyad

اهلا فيك اخي تعرف معنى جعالة او مع ههههه

مالكم تنبشوا في المواضيع القديمه

يا لطيف والفعله

به مواضيع جديده مابش بها لا تعليق ولا حضور

اسكه سيروا لها وشاركوا فيه بدل ما جالسين تنبشوا في الماضي

اضحك على الايام وابرد من الاوهام

مالك شيخ يؤؤؤؤؤؤؤؤؤؤؤ والحسد ع حقي الموضوع
الاعضاء يدخلوا هنا حيا لهم
فوق عيني وراسي

هذا طلب

iben-zeyad (http://www.hmsaat.com/vb/member.php?u=186)

* العادات اليمنية في العيد *


93عادات وتقاليد يمنية في الأعياد تستمد قدسيتها من تلك المناسبات الدينية, وترتبط كلمة العيد هنا بكل شيء جديد. وتختلف عادات وتقاليد اليمنيين من محافظة الى محافظة مع تنوع المكان والزمان فهناك عادات في عيد الفطر لا تكون موجودة في عيد الأضحى, وهناك تقاليد صنعانية تختلف عن تلك الحضرمية, وتقاليد قروية غير المدنية. تبدأ تقاليد اليمنيين في عيد الفطر مع دخول رمضان وبالأخص العشر الأواخر منه, ومع انشغال الصغار في القرى بجمع الحطب ووضعه على هيئة أكوام عالية، ليتم حرقها ليلة العيد فيما يعرف النصيرة , تعبيرا عن الفرحة بقدوم عيد الفطر وحزناً على فراق رمضان , يهتم الكبار بشجرة القات ليتم قطفها ليلة العيد وشراء أثواب وملابس جديدة لجميع افراد الأسرة. وتنشغل النساء على حد سواء في القرية أوالمدينة ليلة العيد بتهيئة بعض المأكولات التي ستقدم في صباح العيد للضيوف أو ما يعرفوا بـ المسلِمين أي بتشديد اللام وفتح السين .






المأكولات العيدية :

ومن المأكولات في صباح العيد انواع الحلويات جعالة العيد وهي عبارة عن زبيب ولوز وفستق وكعك وكيك, كما تأكل في الصباح التمور ووجبات مثل فتة اللبن مع السمن أو فتة العسل والفتة هي قطع خبز بلدي . أما في الظهيرة فيتناول اليمنيين وجبة الغداء التي تشتمل على وجبة الزربيان او وجبة الكبسة وهي أطباق من الأرز مع اللحم , ويضاف اليه الزبيب والبطاط , وهناك أكلة اسمها بنت الصحن وتتقارب مع اكلة اسمها السبايا أو سوسة وهي خليط من الدقيق والبيض والسمن يطهى في الفرن ويضاف اليه العسل اليمني الشهير الذي يعد من اشهر انواع العسل في العالم , كما أن هناك أكلتين مشهورتين هما السلتة وهي عبارة عن مرق اللحم مع قطع صغية منه إلى جانب بطاطا وما يعرف بالحلبة لتخلط مع قليل من الارز والتوابل المذابة في الخل والماء وتقدم مع خبز خاص يسمى بـ الملوجو كما أن هناك أكلة العصيد, وهين عبارة عن طبق مطبوخ من طحين الذرة او الشعير.


اللبس العيدي :

جميع افراد الأسرة اليمنية ومع اشراقة يوم العيد يلبسون أفضل ملابسهم وبالذات الجديدة ويتزينون ويتعطرون ويخرج الرجال مع اطفالهم إلى الساحات والمساجد لأداء صلاة العيد فيما تنشغل النساء بتجهيز البيت. ويفضل اليمنيون الملابس الشعبية فالرجال يلبسون أثواب قميص مكمم وطويل يصل الى القدم مع جنبية خنجر معكوف في داخل خشب مزين بنحاس او خيوط خضراء مع حزام ذهبي اللون , ويلبس الشال والكوت وحيانا تعمل عمامة على الرأس. أما النساء فهم يلبسون لبسا اعتياديا لأن خروجها مرتبط بلبس البالطو او العباية السوداء, و يستخدمن النساء الخضاب او الحناء لرسم نقوشات على الايدي والارجل .


المصافحة:

يقبل اليمنيون على بعضهم البعض فيتصافحون ويتعانقون وينسون خلافاتهم , وتختلف طرق المصافحة من منطقة الى أخرى لكن معظم اليمنيين يتصافحون بالأيدي ويلامسون بوجوه بعضهم البعض وفي مناطق كسقطرى تتم التحية بملامسة أنفي كلا من المتصافحين, وفي بعض المناطق يقبل الصغار الكبار في ركبهم وتقبل النساء الرجال الأقارب على رؤوسهم .


عسب العيد:

حب اليمنيين للعادات والتقاليد العيدية يجعلهم يحرصون أن يهل عليهم العيد وهم بين أهاليهم فتجدهم يعودون من المدن التي يقطنون فيها الى القرى لقضاء عطلة العيد , ويأتي ذلك امتدادا للترابط الاسري القوي الذي شكل عامل الدفاع والمحرك الاول للعادات اليمنية في فترة الاعياد. ويحرص اليمنيون على ابراز الجانب الاجتماعي في مراسم الاحتفال بالعيد فيعودون المرضى ويتبادلون الزيارات للتهنئة بحلول العيد في اعقاب الصلاة. وهناك عدة اجتماعية مشهورة وتعرف عسب العيد وهو عبارة عن مبلغ من المال بدون تقدير معين يدفع من قبل الكبير لأهاليه وبالذات النساء والأطفال. ويعد عسب العيد رافدا مهما للأسر الفقيرة التي تقوم بقضاء جزء كبير من ديونها بسبب تكاليف العيد من خلاله. كما أن التجار والجمعيات الخيرية يعتبرون العيد مناسبة جيدة لتقديم عطائاتهم للفقراء والمساكين, وتشمل احيانا تلك العطاءات معظم أصحاب الدخول المحدودة.


جلسات العيد:

يسيطر القات على مجالس الرجال يوم العيد في حين تعد مجالس النساء الأقل اهتماما به وتتواجد تعميرة المداعة و الشيشة والسجائر أحيانا لدى الجانبين. ويعتبر اليمنيون جلسات القات العيدية أهم جلسات العام لأنها تجمع شيخ القبيلة مع معظم افراد قبيلته لتدارس الأوضاع والنقاش حول بعض القضايا , مع الابتعاد عن الروتين اليومي وهو سماع الشكاوى. وتحكى في مجالس العيد كثير من الحكايات والطرائف والقصص التأريخية مع ذكريات الأعوام الماضية. وكما أن هناك جلسات عيدية داخل المنازل يقبل لكثير من اليمنيين على السفر مع أسرهم إلى مناطق سياحية وساحلية مثل عدن والحديدة , كما ينفذ البعض حفلات رقص شعبي في ساحات كبيرة تعبر عن البهجة. وداع رمضان يشكل حزنا كبيرا لدى اليمنيين ويظهر ذلك من خلال ارهاق وصمت ومزاج غير طبيعي لدى البعض منهم مع غياب شمس يوم العيد إلا أنهم سرعان ما يعاودون تقاليدهم الرمضانية من خلال صوم 6 أيام من شوال مباشرة.


مع حبي:
دموع الثلج

ههههههههههه
الله يستر عساكم من العائدين السالمين الغانمين

بنت ملاك ما بش عوده وما بش جوال ابو كامير على شان اصور لك كبش العيد

لووووووول


ما ذبحناش للامانه اشترينا من الجزار اسهل هههههههههه

السلام عليكم

وكل سنه وانتو اطبيبين


متعاافين


وحجاج ززايرين وانا حريوه مقنبعه

وانتو تجوا تسبعوا



وتحملوا لي الثرياا

تسلموا دموع الثلج

على الموضوع فقد جعلتونا نعيش جوا عيديا صنعانيا

وعرفت مصطلحين هامين عسب العيد -النصيره


وانا اشتي اعمل نصيره لكن من نوع اخر

-(راح اجمع كل كلمات ومواضيع الي بيحسدوكم واحرقها)

اسلمي على الموضوع وتلبيه الطلب

نحن في شوق دائم لقراءه كل مايكتب تحت هذا الموضوع ((اللهجه اليمنيه الصنعانيه))

iben-zeyad

الله يعطيكم العافيه

وان شاء الله ربي يقويكم وتكونو طلاب شاطرين ههههه
اقصد اعضاء كلهم حركه ونشاط

للمه مابه احد يكتب هانا ؟ او ماتشتونا نتعلم لهجتكم ؟؟



iben-zeyad

الا نشتيكم تتعلموا فمه ننشر الثقافه الصنعانيه مابش بعد حقنا الحوكا حالي قوي

اسلموا الله يحفظكم اختي اليمانيه

كذا اوقعوا نشيطيين هيا نشتيكم تتحاكوا

الطلاب المسجلين في الدوره حقكم منتظرين في الفصول والاستاذ حقهم ماجاش

iben-zeyad

جبروني اللي بيتحاكوا صنعاني انا مش قوي استر اتحاكى

شويه صنعاني شويه سعودي مخلط كوكتيل هههه


كيف انتوا بسرتي اليمانية كيف الجوء امس واليوم دفئ بعد مانزل مطر

كاااااامسيتوا

مالكم شئ ايجبرني البااري بعاافيتكم

المهم انا جيت هانا عااسب اسلم عليكم ولو احتجتوا حاجه هو ذا انا

اصبحتوا فقدت لكم قلت اجي اجابركم شويه كيف انتوا بخيرين نحمد الله على العافيه

سلمتي من كل عنا ياختي ريحانه جبرني بعافيتش اليوم خاوره اصتبح زحاوق مع لبن محوج من حق البلاد القى معش جحينه ولا قفوعه واذا مابش اديلي ملوجه مدهونه اذا مابش تعب عليش وجي اصتبحي معي ونفعل لنا قلص شاهي انا شا اراعي لش

اسكو سكوهونا الهدره
قدني تاعب اليوم شاطلع ارقد

ما بلا بتحسد عاسب احنا حنصتبح صبوح حالي لا تفتجعش عنبعد قسمك على جمب من قبل لا ناكل نوم العافيه

هههههههههه هيا ليش ياحجه مسعده
ليش بنتفجع عاد الرزاق يخلق ما قد بيخنقش

هههههههههههههههه

اليمانية قولي صبوح دافي ملموزه مش زحاوق ههه وبعدا ماتعزمي الا ريحانه ناهي لش ماعينفعش الا انا انا جنبش في الرياض هههه صدق يابنت نفسي قووي اتعرف عليش واعزمش على صبوح دافي مع مع

على عشاء دافي هههههههههههه

جي معانا اصطبحي بنت ملاك والله ما يهنى الصبوح الا بش فمه وانا والكل نفسي اتعرف عليش رسلي لي حقش الايميل رساله وانا شاضيفش عندي يمكن نرجع نخرج سوا في يوم
وانت ياسراب الخير كثير ونحمد الله على نعمه خليت لك صبوح حالي قوي وبعد شويه شفعل لك سبايا بس لا تزعلش ههههههه

والله موضوع جدا روعة اعجبني كثير

وفيه كلمات اول مرة اعرفها

موضوع يستحق التقييم

وان شاء الله لي عودة اتكلم معكم باليمني

تحياتي

على طوووووووول ياليمانية

منولة حيا بش مريعين لا تتاخري

تسلمي ياليمانيه من يدش بناكل سبايا يابسه اهم شي نشوف كيف تسبيكيها
ناوي يسطبح على حساب البنات وما يدفع قرش
ههههههههههههههههههه

لما سمعنا ذكر السبايا جينا وانا اشتي قسمي

او مابه احد عمل حسابي ؟؟

انا قد قلت لكم راح ارافقكم وماراح احل عنكم الا تعلموني اللهجه
او تغلقوا الدوره .


iben-zeyad

ناهي لك ياسراب من عيني قال يابسة خلاص انت محروم من الصبوح سير دور لك بقعه ثانيه تصطبح فيها بلاش قلنا نخليك تواتي حقك الزلط لكن ما بش فايده ههههههه
حيا ياخي ابن زياد فوق العين والراس قسمك محفوظ ولا يهمك وان شاء الله ما نفلتك الا وقد تعلمت حقنا اللهجه

فيه كلمات جذبتني وابغى اعرف معناها

جحينه ولا قفوعه

وحجاج ززايرين وانا حريوه مقنبعه
وانتو تجوا تسبعوا

وتسلمو انا متابعة بس ماقدرت اتكلم مثلكم والله روعة واصلوا

منال صبحش الله بالخير والعافية

معنى قفوعه وجحينه يعني نوع من المخبوزات اليمنية مثل الخبز القفوع يصنع من العدس والجحين من الذرة

في العيد سواء في عيد الاضحى او عيد الفطر المباركين لما نشوف احد ونسلم عليه خاصةً لما يكون هذا الانسان مقرب مننا نقول له:
أذا كان اعزب نقول له حج زاير،حجه زايره او حريو مقنبع ،حريوة مقنبعه ومعناها تحب تحج او تكون عريس فيكون الرد واحد من الاثنين حريو =عريس، حريوة =عروسه
اذا كان متزوج فللمرأه نقول حابلة والده يعني ان شاء الله تحملي وتخلفي وللرجل حج زاير وبعض اصحابه اذا حبوا يضحكوا معاه يقولو له عريس مقنبع يعني يتزوج الثانيه ان شاء الله اكون وضحت لكي منوله وان شاء الله تتعلمي وتشاركي معانا اشتي اشوف همتش

نسيت ما اقلش يعني ايش تسبعوا زمان كان بعد العرس يسوو ثالث وسابع وعاشر يعني عزومات كبيرة يعملها اهل العريس مثل يوم العرس حفاوة بالعروسة وعلشان يجوا يسلموا ويتعرفوا عليها وتسبعوا يعني تحضروا السابع ولكن للاسف الان باقي الثالث بس نظرا للظروف الماديه ولانه اصبحت الاعراس مجرد مظاهر والثالث كمان باين عليه حيلحق السابع والعاشر

يسلم لي قلبك وخيتي اليمانية

روعة وربي فهمت تسلمين

يعطيك العافية
ياللة ان شاء الله راح اتعلم ثم باتكلم

مسيتوا كيف الاحوال والاجواء والامطار هع

اليوم بدا البرد هو شويه يسير وشويه يرجع بس صمط قووووي

صبحكم الله بالخير والعافية صح ملوكة اليوم الجو جمد الله يعيننا ويعاونا لوما يسير البرد انا ملصيه الدافي حق المكيف وبدانا نحتشي في لده جورات عاسب ندفى

هههههه من ذلحين اليمانية وماعاد تفعلي لما يوقع البرد الصدق

صبحكم الله بالخير والعافيه وين انتوا ما عاد بسرناكمش ولا عاد تجمعنا هانا ولاشي انا اليوم اديت معي برمة لسيس وبرعي من يشتي ياكل يجي حيا به ملان الدرجان والذي يجي يدي معه قهوة قشر محوجه ولا عاد به ذمول عيقع احسن جو نجلس نتجابر ونتحاكا عيجبرني بعافيتكم اوذني مراعيه لكم

اسلمو اختي علي المــــوضوع الحالــــــي قـــــــــــوي

انــــــــــــــــــس الله حياتكــــــــــــــــــم

تقبلي مروري

كيف أنتو وحشتوني
ربي يرعاكم
جميعاً
وين سراب وملوكة واليمانية

هوذا انا جيت دموع الثلج


اليمانية قوى لش وانا اديت مع قشر اميد البرد وريحانه او دموع عليها الذمول



كرستال حيا بش فوق العين والراس جي اجلسي بقعتي اميد لا احد يجلس فيها لوما اقوم ادي القشر


ههههههههههه


سرابو حانق الله اعلم من من حنق

هههههههههههههههههههههههههههههههههههههههههههههههههه هههههههههههه
ملوكة انا اليوم عملت ذمول
كيف عرفتي
ههههههههههههههههههههههههههههههههههههههههه

السلام عليكم

جينا نجلس معاكم لكن لو هو برد قوي ماراح نطول ههههههه

طيب اول قولو لي اشتي اعرف ايش هو برعي

وايش هو الذمول؟؟

iben-zeyad

حيا بك اخي ابن زياد فوق العين والراس جي نعشيك عشا دافي والبرد
البرعي هي اكلة يمنية تصنع من البازلاء الصغيرة البلدي بطريقة معينه انا ما اعرفها بس طعمها لذيذ وتأكل ساخنه مع خبز بلدي (كدم)
الذمول عباره عن نوع من انواع الكعك المالح بس يكون القرص كبير ورفيع ويعمل من الطحين والبيض والسمن والحبة السودا ويخبز في التنور

حيا الله ابن زياد
وحيا الله اليمانية
فوق عيني وراسي

طريقة عمل الذموال بالفرن

المقادير
1. سبع بيضات
2. كوبان زبده
3. اربعه اكواب دقيق
4. كوب حليب
5. ملعقة خميرة
6. ملعقتان حبه سوداء
7. ملعقتان ملح
8. ملعقتان سكر..

الطريقه..
1. يسكب كوب الحليب الدفئ في صينيه ويضاف اليه ملعقة الخميرةويضاف السكر والملح ويخلط الجميع حتي يذوب الجميع
2. توضع الزبدة في وعاءوتحمى فوق الفرن حتي تغلي ويحمر لونها وتترك حتي تبرد
3. بعد ذلك تكسر البيضات كلا على حدا ويضاف بياض البيض في الصينيه الاولى ويترك صفار البيض في صينيه صغيره ويضاف له الحبه السوداء لطلاء الذموال بعد ذلك
4. يضاف الدقيق والزبدة ويخاط الجميع وتعجن العجينه جيداوتترك لتخميرالجيد
5. بعد ان تري العجينه اللينه تضاعف حجمها تقطع في صحون مدهونه بزبدة وتترك للتخمر مرة اخرى
6. عند تضاعف حجمها مرة اخرى في الصحون يتم تحميت الفرن في درجة حرارة اربع مائه تخبزالذموال حتي تحمر من الجهتين
7. تخرج من الفرن وتترك لتبرد وتقدام مع الشاي والقهوه .. جنااااااااان ..


http://www.lakii.com/img/all/Nov06/Y2uJYm11270201.jpg (http://www.lakii.com/img/all/Nov06/Y2uJYm11270201.jpg)

وهذا بعد ما يطلع من الفرن
لكن في صنعاء يكون في التنور

http://www.lakii.com/img/all/Nov06/vYDNJ211270204.jpg (http://www.lakii.com/img/all/Nov06/vYDNJ211270204.jpg)


والان الذمول الصنعاني الاصيل

اولا المقادير لصنع ست الى سبع حبات ذمول متوسطة الحجم
كما في الصوره اخر الموضوع

المقادير


نص كيلو طحين
ربع كيلو دقيق
حبتين بيض
ملح وقحطه وخميره
سمن

هذه هي المكونات والمقادير



=-=-

الان الطريقه

نخلط الطحين مع الدقيق مع الملح والقحطه والخميره في وعاء
وبعد خلطهن نفتح في الوسط ونسكب البيض ونخلطهن مع قليل ماء دافئ
ونضيف السمن بنفس مقدار الماء او اقل بقليل
ونعجن الخليط لما قد العجينه متماسكه ونخليها بعدين تخمر


وبعدا نقطعها في صحن على شكل كور وبعدا نمدهن كما في الصوره هذه
http://san3acity1.googlepages.com/yemensanaa-thmol.JPG (http://san3acity1.googlepages.com/yemensanaa-thmol.JPG)



في الوقت هذا بنكون قد لصينا التنور وخليناها تحمى شويه


الان ندهن الوجهين ببيض مخلوط على قلييل ملح ونطرحهم في التنور بلصقهم
في جوانب التنور كما في الصوره هذه
http://san3acity1.googlepages.com/yemensanaa-thmol1.JPG (http://san3acity1.googlepages.com/yemensanaa-thmol1.JPG)

وبعدا نوطي النار اذا تشتو شاحطات ( مقرمشات ) وطو النار
واذا رطبات ( لينات ) علو النار شويه


لما تبسرو ان الوجهين اتحمرو مثل الصوره هذه


http://san3acity1.googlepages.com/yemensanaa-thmol2.JPG (http://san3acity1.googlepages.com/yemensanaa-thmol2.JPG)



نخرجهن الان من التنور ونطرحهن في غطاء يبردو شويه وبعدين نطرحهن في الغطاء ونلفهن
بالقواره كما في الصوره هذه
http://san3acity1.googlepages.com/yemensanaa-thmol3.JPG (http://san3acity1.googlepages.com/yemensanaa-thmol3.JPG)

ونقدمها مع الشاهي او البن او القهوه




والآن البرعي ولاتزعل أخي ابن زياد

البرعي

http://up.arab-x.com/pic/qco79896.jpg

من حبوب البازلاء الخضراء



نأخذ البرعي ونغسله ونفعله في قدر (يفضل قدر الضغط ) لأنه يأخذ فترة طويله في الطبخ

بعد غليانه في الماء تضاف اليه الحوايج ( بسباس و كمون وملح )والحطم الذي يدي النكهة واللون

ويترك يغلي حتي ينضج

وهو يأخذ وقت طويل شوية وكل ما احتاج ماء نضيف له ماء يفور (يغلي) .

يقدم وعاد بقي فيه شويه ماء (مرق) .

http://up.arab-x.com/pic/6SS79896.jpg


هذه الطريقه الذي بين افعلها .. وفيه ناس بيفعلوه بطريقه ثانية

وهو من الاكلات التي تقدم في ايام الولاد (البنان ) واذا تم تجفيفه من الماء يسمى غسوس


بالهناء والشفاء ابن زياد


وين ملوكة وريحانة صنعاء واليمانية
تفضلوا

قوى لش القوى دموع الثلج يعجبني الذمول قووي بس احيانا يسبر معي واحيانا لا


والبرعي حق بدرة هههه الله يحفظها هذه البنت هي من جماعتنا وقد ذقت البرعي حقهم طعيم قوي

اسلمي اختي اليمانيه

اسلمي اختي دموع الثلج

واحنا مركزين معاكم كيف يسووا البرعي والذمول
(انتم باهريين بالشرح وطريقه التحضير.)

راح البرد ومادرينا بشي .

((الاكل المخصص للحوامل وحالات البنان . مابينفع معايا)) ههههه

انا اروح لي ذا الحين. ونجيكم ثاني وقد حضرتم لنا طبق اخر.

iben-zeyad

هههههههههههههه ابن زياد عجبك الخبر

ههههههههه

وكيف مايعجبني وهو من صنع يد اطيب الناس

وقد استغرقت وقتا في اعداده خاص لنا. احيانا بالتنور واحيانا بالاوفن

راح ناكله حتى ولو كان يحتوي على 95% من الملح

فلايعاب طعاما قط .

iben-zeyad

تسلمي لش القوى والضيا امانه انش مره نيت له الذي عيتزوجش جبرني بعافيتش خورتيني للجلسه في صنعا ايام البرد على قلص القهوة والذمول والمجابرة الحاليه وكنت اشتي اسألش به حطم في السعوديه وما يسموه

اصبحتوا حيا بنت ملاك ودموع الثلج وابن زياد وينهم ريحانة صنعاء وسراب العيون ما عاد بسرناهمش هانا مالهم ما يجوا يجابرونا الله يحفظكم كلكم

اصبحتوا حيا بنت ملاك ودموع الثلج وابن زياد وينهم ريحانة صنعاء وسراب العيون ما عاد بسرناهمش هانا مالهم ما يجوا يجابرونا الله يحفظكم كلكم


حيا اليمانية
وحشتيني كثيرررررررررررررر
اسمعي الحطم
راح انزل له صور هنا تمام لكن اسم ثاني ما اعرف
وين سراب هرب ولا رجع
وريحانة قلبي

دموع الثلج

الله يدي لش العاافيه

امانه ذمول يفتح النفس
والبرعي ؟؟؟؟؟؟؟

حميش حميش .... هيا افعلي لنا غدوه ذمول انا وانتي عاسب لما نسير وانا شاادي القهوة

انا اكلت ملوج لكن طلع سامج

دموع شكرا على دعوةتش تصدقين افتقدناش كثير

يالله رجعنا بس هذه الايام برد في صنعاء يموت وحلقي اسندت مع في صوت


يمانيه تسلمين وشكرا لش

جينا نشتي نبصركم ونجابركم

لكن الظاهر انه مابه احد

خلاص اخي سراب لما يجوا

سلم لي على اختي ملاك

ريحانه صنعاء -اليمانيه-دموع الثلج

iben-zeyad

والله ست بيت
ماشاء الله عليكي

بصراحه شي ء رهيـــــــــــــــــــــــــــــب إبداع
يموت الواحد ضحك مع أني من إب وعايش غالباَ في صنعاء
إلا أن اللهجـــــــــــــــــــــــــــات رهيبه بس ياويله للي بيحكيها عندنا في الرياض hhhولا واحد راح يفهمه
وفي ناس من صنعاء لو قابلتهم في أي محل في الرياض أو جده يمتع الواحدماسك على لهجته لايكن يتركها؟؟؟:high:
وأعجبني تألق كاتبه الموضوع
وردود مضحكه للأخوات يعيطكم العافيه جميعا
ودمتم في حفظ الرحمن ورعايته

اصبحتوا وين انتوا كلكم كيف حالكم أخوتي سراب العيون و ابن زياد وين القمارى حقنا دموع الثلج وريحانة صنعاء وبنت ملاك والله ان قدني فاقده لكن قوي الله لا غيبكن المجابره بغيركن تافله وسامجه إن شاء الله تكونين بخيرات الله ينور قلوبكن

حيا أخي ماجد بين اهلك وإن شاء الله تجي تتجابر معانا بالصنعاني سرجت الصفحه بحضورك

السلام عليكم وجمعه مباركه اختي اليمانيه . والكل

ابن زياد موجود معاكم وماينساكم . مجرد ماتذكروا اسمه يحضر ومايفوت اي صفحه من المجابره حقكم

iben-zeyad

السلام عليكم

كيف انتو مالكم شئ قبل ماانس جمعه مبااركه

هيا وين الناس او اقوم ارحلي

مساكم الله بالخير والعافية كل عام وانتوا بخير يجعله الله عام سعد وخير عليكم فقدت لكم قلت أجي أجابركم شوية وابسر ماهي اخباركم نور الله قلوبكم واعلا شانكم جبرني بعافيتكم

السلام عليكم اختي اليمانيه وانتي بالف خير اختي . ماادري مالهم فلتوا البيت اليماني الاصيل . لازم تفكروا لنا بحل . وتتفقوا لنا على يوم نجتمع سوى ونتجابر . اما واحد يجي والثاني مابه احد هكذا مايسبرش . منتظرين ....والوقت الي يتفقوا عليه. خبرونا
iben-zeyad

خلاص ولا يهمك أخي ابن زياد حنشوف البقيه وينهم وانت حدد اليوم الذي يناسبك وكل واحد يحدد وبعدين نشوف الاغلبيه عن نفسي اي يوم تتختاروه مش مشكله عندي يعطيك الله الف عافيه

ههههههههههههههههه ... ماشاء الله رصيتيهن مررررة واحدة ولا نسيتي كلمة
:n200667:
الصدق الصدق الموضوع حالي يجنن ... جعللللللكم العافية يادموع الثلج ... وجعلللله مكسر من يكرهكم ^_^

حيا بك باشق اليمن ملان الدرجان احنا ذلحين في تيه الصفحة بنتجابر بالصنعاني ونعلم الذي ما يعرفش صنعاني يتجابر معانا من الحكا حق دموع الثلج والترجمه حقها ومن يشتي يتجابر معانا هانا حيا به فوق العين والراس يجي يتقهوا قشر ويجلس يتحاكا معانا نور الله قلبك

يحفظش ربي اختي اليمانيه ماتفوت عليكم شي

لوما انتم هنا في هذا البيت ترحبوا بالضيوف وتتجابروا معهم كان الكل قد فلت وراح له

iben-zeyad

سلمك الله من كل عنا اخي ابن زياد احنا ما نشتيش احد يرحله من هانا بالعكس احنا نشتي نلم الخلق هانا علشان تقع المجابره حاليه مدري وين سارو ا البقيه ما عاد بسرتهمش ريحانه ودموع وملاك وسراب لوما انت عاد انت هانا بترد عليا والباقي مدري مالهم الله ينور قلبك ويعلي شانك

مابلا كل واحد يدي جهده ويجابر براااحته ويخرج مافي قلبة ... ولو عاد وقع هذا الخبر باللهجة الصنعانية يطلع رووووووووووعة ... واللي يحب يتعلم اللهجة الحالية هذه ... نحنا كلنا جاهزين
وخاصة اصحاب صنعاء ^_*

ياي روعة انا ابي اتعلم اللهجة الصنعانية

حيا فوق العين والراس منولة جي نعلمش لهجتنا بعد ما تتجابري معانا عتتعلمي بسرعه جي نديلش بردق قهوه مع ذمول من حق دموع الثلج الله لا غيبها ونجلس نتحاكا وندفى قبال الموقد من البرد

السلام عليكم ورحمه الله وبركاته

اولا اشتي ارحب بالاخت منال ونقول لها الحمد لله على السلامه

ثانيا صديقي كلمني قال اهل صنعاء عندهم عادات مختلفه في يوم الخطبه . ايضا لما واحد من اهلهم يسير الحج
وكذا قال لي الشكمه. لكن مارضي يوضح لي ايش هذا

والان انا قلت قدني في بيت اهل صنعاء بسالكم انتم احسن وباخذ العلم من منبعه.
ممكن توضيح لهذه الاشياء .هذه الاسئله اختياريه .

iben-zeyad

اشكرك اخي على الترحيب والشكر ايضا لاختي اليمانية والله ماشاء الله عليها تفتح نفس الواحد في هالصفحة بكلامها

منولتي الغالية جبرني بعافيتش ونور الله قلبش ونفسنا تفتتح اكثر على المجابره وانتي معانا هانا كن جي عندنا كل يوم اتحاكي معانا حيا بش في اي وقت

اخي أبن زياد حيا بك نور الله قلبك
اما بالنسبه للاسئله الذي سألتها هذي تشتيلها جلسة حالية وبردق قهوه اتفضلوا معانا نقلكم ماهن هذولا الحاجات

الخطبة في صنعاء

عادة تكون تقليدية يطلب الابن من امه اني تدور له على حريوه حاليه ومؤدبه تقوم الام تدور وسط البنات حق العائله وأذا ما لقيتش تبسر بنات صاحباتها بدون ما يحس احد انيه بتدور على عروسه ولما تستقر على واحده تقول للاب ما رأيك ببنت فلان لابننا وأذا وافق الاب تقل للابن وتبدا عملية الخطبه
تسير في البدايه الام لعند ام البنت وتكون جلسه وديه وتكلمها على بنتها انيه تشتيها لابنها واذا حصل ترحيب ام البنت تكلم الاب وتتم الخطبه على هذي الطريقه
هنا تبدا الخطوبه الرسميه وتكون بين الرجال دون اي تدخل من النسوان يجتمعوا الرجال من اهل الحريو واهل الحريوة في بيت ابو الحريوه على جلسة قات والعريس هو الذي يدي القات حق الكل ويدي معاه العريس اشياء الخطبه وهي:-
1- بدله (طقم) ذهب ودبله ومحبس
2-اربع قطع قماش منهن واحده جرز(نوع من انواع القماش)والباقي لازم تكون مطرزات واحده للام وواحده للجده وثنتين للبنت
3-ساعة يد للبنت تكون نوعيه غاليه
4-عطرين للبنت
ويحطوا هذولا الشياء في شنطه
وبعدين يتجابرواشويه اهل الحريو مع اهل الحريوه ويكون الكلام بين الاباءويبدؤا يتفقو على الشرط والمهروالكسوه وتكون يا خالصه مخلصه اي ان العريس يدفع فلوس كل شي مره واحده واهل العروسه يشتروا بها كل شي أو يدوا مهر بس والكسوه تكون على العريس ويكون غالبا على حسب ما اتزوجين قريباتها وبعد الاتفاق تسلم الشنطه للاب ويتسالموا ويروح كل واحد بيته وسلامه تسلمك

ملاحظه
العريس ما يبسرش حقه العروسه الا في يوم الزفاف وهذا في اغلبية العوائل الصنعانيه

حنبه الخطبه في صنعاء مه ههههههه
اما بالنسبة للذي يسير يحج انا ما حضرتش هذي الاشياء على الطبيعه بس هم بيعملوا مدرهه (مرجيحه )كبيره تتحمل اثنين متدرهين ويتدرهوا فيها الرجال والنسوان بس بالدور يعني نص اليوم للنسوان ونصه للرجال دون اختلاط يجلسوا يدعو للحاج انه يرجع لهم بالسلامه بصوت عالي وبطريقه معينه يعني يبدا واحد من المتدرهين يدعي مثل التواشيح وبعدين يرد عليه الثاني وهكذا
الموضوع موجود كامل عن المدرهه في همس الموسوعه اليمنية على هذا الرابط
http://www.hmsaat.com/vb/showthread.php?t=13779 (http://www.hmsaat.com/vb/showthread.php?t=13779)

الشكمة هي نوع من العزومات يعملها اهل العروسه او اهل العريس او صاحبات البنت وهذا بعد العرس بفتره بسيطه وتكون خاصة بالنسوان فقط
يعني كل واحد ممكن يشكم العروسه وغالبا تكون عزومة غدا وتلبس فيها العروسه ازياء يمنيه خاصه لهذه المناسبه وتجي واحده هي الذي تلبسها ويسموها الشارعه وبعد الغدا يجلسين النسوان جلسة قات ويدو مغنيه شعبيه(طقاقه بالسعودي) وتكون هذي الشكمه يا في البيت يا في صالة افراح على حسب عدد المعازيم يعني جلسة نسوان بس كبيره شويه
واي اسئلة أخي ابن زياد انا حاضره

السلام عليكم اختي اليمانيه وفيتي وكفيتي

انا جلست كثير في صنعاء والمشكله انا ماعرفت شي عن هذه العادات

ماشاء الله عليك اختي تراث اصيل. ونقل جميل. والجميل ان النقل كان باللهجه الصنعانيه وهذا بيت القصيد .نتعلم اللهجه الصنعانيه


iben-zeyad

صبحكم الله بالخيروالعافيه جيت اسلمم عليكم واجلس معاكم بس باين ان ما بش احد اليوم المهم شاريع لكم شويه هنيه لوما تجوا لا تخلونيش اريع خيرات ما تسخوش عليا عاسب الجو اليوم بارد قوي وقدني منعسه ما قد رقتش مريعه لاذان الفجر شاصلي وادعا لكم الله يحفظكم جبرني بعافيتكم ونور الله قلوبكم

صبحكم الله بالخيروالعافيه جيت اسلمم عليكم واجلس معاكم بس باين ان ما بش احد اليوم المهم شاريع لكم شويه هنيه لوما تجوا لا تخلونيش اريع خيرات ما تسخوش عليا عاسب الجو اليوم بارد قوي وقدني منعسه ما قد رقتش مريعه لاذان الفجر شاصلي وادعا لكم الله يحفظكم جبرني بعافيتكم ونور الله قلوبكم

:n200667::n200667::n200667::n200667::n200667:
الموضوع من البدايه جميل جداً
شكرا مشرفتنا القديره على هذا الموضوع
شكراً ((( اليمانيه )))على الاضافات والتوضيحات
عاد أخر مشاركه منك صنعانيه قح ( زيما يقولو في صنعاء)
أنا قرأت الكثير من الردود أغلبها مضحكه
يعطيكم العافيه جميعاً


ولا تحرمونا مثل هذه المواضيع الحلووووه

دمتم في رعاية الله وحفظه

حيا بك أخي ماجد وسط اهلك جي اجلس معانا وجابرنا لك القوا والضيا وندي لك بردق قهوه ونتحاكا صنعاني وتتعلم تتحاكا مثلنا صنعاني لزم نور الله قلبك واعلا شانك في حفظ الله

ماشاء الله مابينشط الموضوع الا انتي اليمانية

والله العظيم اختي يمانيه اني ضحكت كثير بقدر اكبر استمعت معاك بالايصاحات الي تكلمتي عليها
ماشاء الله كما قالو خذو العلم من منبعه
وانتي منبع وتراث اصيل
الله يحفظك يوخليك لعيون ترجيك
ماشاء الله عليك يمانيه بالفعل اصيله
الله لا يحرمنا منك

صبحكم الله بالخيروالعافيه جيت اسلمم عليكم واجلس معاكم بس باين ان ما بش احد اليوم المهم شاريع لكم شويه هنيه لوما تجوا لا تخلونيش اريع خيرات ما تسخوش عليا عاسب الجو اليوم بارد قوي وقدني منعسه ما قد رقتش مريعه لاذان الفجر شاصلي وادعا لكم الله يحفظكم جبرني بعافيتكم ونور الله قلوبكم
اصيله والله واشكرك وتري كلامكم
حلوا مره وانا رحت صنعاء اكثر من مره

حيا أخي ابن الاسلام سرجت المكان بجيتك ايوه هكذا كن اتجمعوا عاسب الجلسة تقع حاليه
أخوتي ابن زياد وسراب وماجد وابن الاسلام لكم القوى والضيا والله ان قدنا خازيه قوي من حكاكم الحالي ما عادناش داريه ما قل قدن ملاجعي حمر من الخزا الله يسعدكم دنيا ووآخره اُصلا عيال اصل بارك الله فيكم ورضي عنكم
ويابنت ملاك ياقمر وين انتي والبنات ريحانة صنعاء ودموع الثلج وهمسة اليمن والبنات كلهن قدنا فاقده لكن لا غيبكن جين اتجابرين معانا هانا عاسب نقري الذي يجي عندنا الحكا الصنعاني ونبسر هو عيدرى كيف يتحاكا ولا مع نور الله قلوبكن وجبرني بعافيتكن

ما يفقدش غالي يمانيه
انا حتى خزيت من حكيك

شكر لش والله ما يحرمنا منش
هههههههههه

تصدقي اختي كلامك كله مفهوم
بس حاولت اتكلم زيه ماقدرت
يبقى لي دوره عنكم واطبقه مزبوط

هيا عتشي خبر ياجماعة:n200667: ... او الموضوع هذا للمجابرة والحكى للقسم النسائي بس
اصحاب صنعاء هانا خيرات واللي يحب نعلمة كيف يتحاكا صنعاني سوى .. يدي حقه الحيسي حق القهوة او قلص الشاهي ونجي نتجابر لوما نشبع ... واللي عيخزى من هذا الحكى ويحمرين ملاجعه مابلا يكون يصبر شوية على سب لا يحمرين ... ههههههههههه
وينهم الخبره الباقين

هونا ذي موجودة <<<<تبي تتكلم معكم بنفس اللهجة
والله ان ذي الصفحة حالية مرة واني بين احبها خيرات
لبى قلب اليمانية والله تبرد القلب

ههههههههههه
الله يجبر بخاطرش منال واليمانيه
قدني شافقدكم كثير هذه الايام

كونو ادعو لي معاكم

ما ننحرم من دعواتكم الصادقه

هوذا انا هانا << منال هكذا قولي ^_*

صورتش بالسعودية ساعي جي نسوي لنا دردشة باللهجه السعودية ههههه

الصدق بين احاول اتحاكى صنعاني احيانا استر واحيانا مع

هيا باشق اليمن قدحنا معاك يالله عتعلمنا او ماشي

ذلحين من يشتي يتعلم

السلام عليكم ورحمه الله وبركاته

كلنا نشتي نتعلم ؟؟

بس قولوا من هو راح يعلمنا ؟

الطلاب خيرات والاستاذ واحد



الف مبروك اختي اليمانيه .المركز الاول في المسابقه

وان شاء الله مسابقات اخرى اعلى المستويات .





iben-zeyad

خلا ص\\

اختاروا استااذ وبعد مالكم الا نفسكم طيبه

ذلحين من يشتي يتعلم

هيا مه عتعلمونا ولا ماشي انا شاء اتعلم حكي بلادي

هههههههههههههههههه


لاخلاص نعلمكم


اسمع انت كن اكتب جمل وانا ااقولها بالصنعاني هيا ماقلتوا

انتم كلكم اساتذه وزي ماقلتم على من اراد التعلم ان يضع سوالا او جمله ثم ياتي الاستاذ ويجوب او يكتب ذلك باللهجه الصنعانيه

طيب اختي اتخيل انك دخلت سوق صنعاء القديم . اريدكم تكتبوا لي ايش اسم الاشياء الي ممكن اشتيرها لاني راح انسى .. ننتظر الرد

iben-zeyad

كيف يعني

ابن زيااد

انتي مماهو خاور تشتري ايش في نفسك

من كل الاشياء

العطر . البخور . الزبيب. حنا ...... ايش شي يصلح للاستخدام في البيت او ينفع كهديه لصديق ...؟؟

iben-zeyad

اها ذلحين فهمت

طيب من سوق الملح المكسرات واحد يشتري من سووق الجمله

الزبيب البلدي واللوز البلدي ........ من عند محلات صلاح

والعوده من باب اليمن ......... من عند النااشري ملك العوده

وماعاد به الحنا نفس الشئ من سوق الملح من سوق الجمله

بس انا افضل هديه اتكون هي الفضه من سوق الملح من سمسرة سوق الملح

فضه يمنيه مخلاص قووووووووووووووووى حاليه

اها ذلحين فهمت

طيب من سوق الملح المكسرات واحد يشتري من سووق الجمله

الزبيب البلدي واللوز البلدي ........ من عند محلات صلاح

والعوده من باب اليمن ......... من عند النااشري ملك العوده

وماعاد به الحنا نفس الشئ من سوق الملح من سوق الجمله

بس انا افضل هديه اتكون هي الفضه من سوق الملح من سمسرة سوق الملح

فضه يمنيه مخلاص قووووووووووووووووى حاليه


طيب اسلمي اختي ريحانه

والله انا كان ودي تكتبوا كل كلمه باللهجه الصنعانيه . وهذا هو الغرض كانكم تتكلموا مع واحد من صنعاء ليس العربي الفصيح وكذا نتعلم


تسلمي اختي


iben-zeyad

يووووووووووو ليش انا ماقلت

كيف جابرت هوذا ها صنعاني محلي

مسيتو وجمعه مباركه على الجميع

علينا وعليك عنسير اليوم البحر ونتوا مابش عندكم بحر ياحراّم

للمه المحاانكه
هكذا مايسبرش

للمه المحاانكه
هكذا مايسبرش

عتقولي لنا ماهي المحانكه ما معناها

اها ناهي

المحانكه يعني لاتبرقطني ههههههههههههههه جيت اكحلها عميتها

يعني لاتلعب باعصابي

ههههههههههههههههههه تصلحي مدرسه من الدرجه الاولى

اكيد معتزعلي

انا دخلت قلط هههههههههه ماببصر واش تحكووو
خخخخخخخخخخخخخخخخخخخخخ
مرحب ابن الاسلام منور ياغالي

دمتم في حفظ الرحمن ورعايته

ابو عبدالله
ماريك نعلمك الصنعاني

اجلس سباطه قد اسمك جيت هانا


ابن الاسلام مع ماعزعلش .............. ولاشئ

هيا روحي ابسري ما فعلو فيني في همس الاصدقاء وما رايك:clean:عتوقفي معي ولا مع

هههههههههه موتني ضحك اضحك الله سنك
الله يخزي شيطانك اخوي ابن الاسلام ههههه
الف شكر اختي ريحانه صنعاء اصيله ربي يحفظك
فعلا نحتاج ان نعرف ولو الشي اليسير من اللهجه الصنعانيه

وين عتسير قلت له باب اليمن قال ازقم ههههههه واش ازقم قال امسك
الشارع هذا وكان يوصفني كيف اوصل للقاع
دمتم في حفظ الرحمن ورعايته

مساكم الله بالخير والعافيه ايوه هكذا ما شاء الله عليكم اغظيتوا قلبي لوما جيتوا واتحاكيتوا هانا ايوه حركوا ذيه الموضوع الحالي لكم القوى والضيا وحيا بكم مديرنا الفاضل صالح فوق العين والراس واذا سرتوا صنعا مره ثانيه اسألونا واحنا نقلكم وين تسيروا ونقل لاخوتنا يوروكم كل بقعه عاسب ما تضيعوش في الزقازق حق صنعا

السلام عليكم ورحمه الله وبركاته

جينا نسلم عليكم ونطمن على احوالكم.

الاخ المدير العام شرفنا بالحضور

لازم نستضيفه معانا ومانخليه يسير الا وقد تعلم شيئا من اللهجه الصنعانيه.

لكم خالص التحيه

iben-zeyad

سلمكم الباري واطمنت عليكم العافيه أخي ابن زياد اكيد الجوعندكم بارد قوي جمد الله يعنيكم ويعاونكم على هذا البرد احنا عندنا البرد من غير ثلوج وقدحنا بنرقل من البرد الله يخارجكم من كل ضيق

السلام عليكم . والله يكون بعون المساكين الي في المخيمات

والنازحين والي ماعندهم تدفئه او بيوت قديمه او مكشوفه وكذا اخواننا في غزه الذين هدم الصهاينه بيوتهم.

وابن زياد في خير وفي نعمه وعافيه وستر قد تعرضت سيارته للانزلاق والانقلاب بسبب الثلوج التي تملا الشوارع .وكما تشاهدوها في الاخبار ولكن رعايه الله كانت معنا فلم نصاب نحن او سيارتنا باي اضرار تذكر .




iben-zeyad

حمد لله على سلامتك أخي ابن زياد قدر الله ولطف وفعلا الله يعين أخواننا النازحين واخواننا في غزه والفقراء الذي ليست لديهم اي وسائل تدفئة ويرحمهم برحمته احنا فعلا في خير ونعمه وما يحس بها الا المحروم

ماشاء الله الموضوع هذا دافي قوي hhh ... اكثر من صنعاء نفسها والظاهر به اعضاء طرحوا بخور عودة :biggrin:...دفى لنا المنتدى ........
طيب الله اوقاتكم ... وجعل لكم العافية:high:

اسعدكم الله جميعا اخواني واخواتي
شكرا لكم على اتحافنا بكل ما هو جديد

تمنياتي لكم بالتوفيق
استودعكم الله الذي لا تضييع ودائعه
انا بغيب فتره طويله عن المنتدى لضروووف سفري
تحياتي اسال الله ان يجمعنا في مستقر رحمته وتحت ضل عرشه اشوفكم بالليل اذا شاء الله
وبيكون اخر لقاء لنا
سلامي لكم

حيا الله بأخي سراب تسيروا وتجوا بالسلامه إن شاء الله
الله يوفقكم في سفركم بارك الله فيكم ورضي عنكم

ودعتكم الله وديع لا يضيع في امان الله وحفظه ورعايته

حيا الله اختي اليمانيه
شكر لش على الرد الحالي
الله لا يحرمنا منش ولا من تواجدش

سراب تروح وترجع بالسلامه


اما انا شاسير بعد شويه عند همسة حنين احد يشتي منها شيء ههههه

ملوكة أشتى تسلميلى عليها

وانت نمرووووووو ربى معك يوفقك

وترجع لنا سريعا

سلمي عليه قووووي ملوكه
بجد اشتقنا له
بلغيها سلامي الحاااااااااااااااااااار

ياسلام هذا موضوع صديقتي دموووووووووع
جبرني بعافيتك
موضوع حالي قوي
وين دموووووووع
وحشتينا

السلام عليكم ورحمه الله وبركاته

جينا نسلم عليكم وناجل المجابره لاوقت ثاني . نشتي بدل المجابره والهدار (هذي المره ) ندعي لام اختنا الشارد. شفاها الله واخرجها بالسلامه.

iben-zeyad

ربى يشفيها ويعافيها

اللهم تقبل الدعاء

اللهم آمين

الله يشفي أم أخونا الشارد ويقومها بالسلامة ويخفف آلامها ويحفظها لأولادها يارب العالمين
أن شاء الله يكون لها أجر وعافية

وحشتوني جداً

حيا حيا أختي دموع الثلج لا غيبش ياغاليه وين انتي كل يوم واحنا بنذكرش بالخير اكيد حكيتي ارجلش لما شبعتي لا قدنتي بخير هذا اهم شي جبرني بعافيتش ونور الله قلبش وحقق لش الذي تشتي

تسلموووووووووا
يا روحي الغالي
انا معي اختبارات الجامعة لاتنسوني أشتي دعواااااااااااااتكم

الحمد لله على السلامه اختي دموع الثلج.

واعانك الله ووفقك في الاختبارات الجامعيه

لكن نشتيكم تعوضوا كل الجلسلت الي فاتتكم . يعني تمسكوا الفصل بدل الاخت اليمانيه. الحين عليكم التدريس.لانها تعبت قوي خصوصا انها كانت بمفردها ومابش احد يساعدها . ومعاها طلاب يسالوا كثير .


iben-zeyad

السلااااام عليكم

امسيتوااااااااا كيف انتوا

ماهو هذا الضبح وكل من اساله يقلي وهو والكل ضابح

ليجي وانتواسالين

يانضبح جمعه يانسلى سوا

هيا ماقلتوا

السلام عليكم ورحمه الله وبركاته



بتلمص لميص

ممكن احد يفسر لي معنى هذي الكلمه



iben-zeyad

ههههه أصبحتوا كركرتني (ضحكتني )أخي الكريم ابن زياد لما بسرت الكلمه الله يسعدك دنيا وآخره

بتلمص لميص يعني بتلمع لمعان
مثال
الزنة تيه بتلمص =الفستان هذا يلمع
اشتي تنظفي المكان لما قدوه بيلمص لميص = اريد ان تنظفي الغرفة حتى تلمع لمعان

ان شاء الله اكون وصلت المعلومه

ههههه أصبحتوا كركرتني (ضحكتني )أخي الكريم ابن زياد لما بسرت الكلمه الله يسعدك دنيا وآخره

بتلمص لميص يعني بتلمع لمعان
مثال
الزنة تيه بتلمص =الفستان هذا يلمع
اشتي تنظفي المكان لما قدوه بيلمص لميص = اريد ان تنظفي الغرفة حتى تلمع لمعان

ان شاء الله اكون وصلت المعلومه


بارك الله فيك اختي اليمانيه

فهمنا وزياده. مشكوره اختي على التوضيح


iben-zeyad

اراقبكم دائما واقرا كلماتكم ولهجتكم الرائعة
يعطيكم ربي العافية جميعا اخواني واخواتي

مش عارف وين قد وصلتو بالحكي ( الكلام )
بس اشتقنا لكم هذه اليومين

سعيدين بعودتي ولا لا

حيا الله أخي سراب حمد لله على سلامتك ما قد سارش عليك خيرات حاجات إن شاء الله تكون اتوفقت في سفرك وفقك الله وحفظك

السلام عليكم

هلا باخونا سراب والحمد لله على السلامه.

جينا عندكم وانا كنت متوقع انكم قد جهزتم حفله للاخت دموع الثلج . حفله بمناسبه عيد ميلادها. كانت فرصه نجتمع ونتجابر ونتعلم لهجتكم ايضا. كل عام وانت بخيراختي دموع الثلج . وعيد ميلاد سعيد.

منتظرين ولما تجهزوا دعوتنا. تكاليف الحفل كلها على حسابي

iben-zeyad

ايش بتقول دموع عيد ميلاها اليوم او امس
على العموم ما يسبرش تعمل حفلتها بنفسها لازم نكون معها

الف مبروووووووك وكل سنه وانتي اطيب واقرب
عيد ميلادك عيدنا جميعا
عقبال المئه سنه

يامنعاااااااه ياصحاب البلاد ....مابلا كنوا ردوا لنا خبر لو به شي ولاشي

مش حالي يحتفلوا بعض الاعضاء والباقي ماشي

او ماقلتواGoodbye

قدنا قلت لهم هذا الكلام

صدق انا بزعل لو عملوها مره ثانيه بدون ما يكلمونا

عاد احنا ما فعلنا شي مراعيين لأختي دموع الثلج عاسب نوزع الدعوات

يمانيه نصبر ايش علينا المهم الدعوات توزعيها ونشوف الحالي والاحلى
ههههههههههههه

انا هنا وين الحفلة ماهو هذا لا عصير لا تورتة
لاشيء
أنا ززززززززززززززززعلانها ما ارجع الا بحفلة ناهي

وين الدعواااااااات اول شي وبعدين نقرر فين الحفل هذا بايكون
:n200667:
او اعزمكم عندي مارائيكم ^_*

قد العزومه عندك باشق
ما احد يركن على البنات بنموت جوع واحنا منتظرين
هههههههههههههههههه

صبحكم الله بالخير والعافية أخوتي ابن زياد ، باشق اليمن ، سراب العيون
ابسروا العزومة على حساب ابن زياد وفي بيت باشق اليمن وانا شاوزع الدعوات وادي الكيكة وما عاد باقي الا نراعي لصاحبة الحفلة لما تكمل حقها الاختبارات ما يسبرش نفعل الحفله وهي مشي هانا وهي حقها عاسب تقدر تجي الحفلة هيا ما قلتوا
الله يحفظكم ويخارجكم من كل ضيقه وينور قلوبكم ويجبرني بعافيتكم

ما اصدقش هذا الكلام جالسه تخرطي علينا يمانيه
ما قلتو بس
لاني بوثق فيك
بصدقك

هههههههه

اخي سراب . ان شاء الله الحفله تقام . الاخت اليمانيه منسقه الاحتفال راح ترتب للحفله .

نشتيها تقع حفله حاليه بالطابع الصنعاني المتميز


ابن زياد

ههههههههههههههههههههه نشوف وين ببتكون الحفله
يمانيه اتوقعها (.....) من جيز صاحبتها ههههههههههههههههه

نون كيفك ايش عامل
افتقدناك

أنا هنا أين الحفلة
وين الناس
اليمانية أشتي حفلة عيد الميلاد صنعانية حتى التورتة من صنعاء خخخخخ
اذا ما شفت حفلة خلال يومين راح أعمل أنقلاب في المنتدى
ناهي

حيا حيا بالقمر حق المنتدى

بين اسمع حفلة ماهو الخبر ولاتقولوا لي شلوكم خخخخخ

حيا بكن ملان الدنيا دموع وملوكة كيف يا ملوكتي ما نقل لش ان به حفله أكيد كنا عنقل لش بس كنا مراعيين لدموع الثلج وما تقع الحفله حاليه الا بش
راعين لي وانا ان شاء الله اجهز للحفلة بس انا هذه الايام شوية لاهيه واول ما اقع فاضيه شا نزل الحفله واوزع الدعوات ناهي حبيباتي نور الله قلوبكن وجبرني بعافيتكن وسامحني أذا اتأخرت شويه
راعي لي دموع وما تغثيش مني لو تبسري كيف انا مشغوله وبفتح مدري بسمه هذا الكمبيوتر بصعوبه ما بش معي وقت والله ما انا داريه ما بين افعل ادعين لي الله يحفظكن

تسلمي لي يا غالية كملي عملك وانا في الانتظار حيا بنت ملاك كيف انتي دل على الشباب انتي والحرب والجنان ناهي

حيا بنت ملاك كيف انتي دل على الشباب انتي والحرب والجنان ناهي

هههههههههههههههههههه

قولي لها حتى عرضنا عليها هدنه مؤقته وماردت.

نشتي نتفرغ للحلفه هنا . اختي اليمانيه بانتظارك لتجهيز الحفله .

ومش بعيد اذا ماقبلتوا الهدنه انهم يهجموا عليكن وانتن مجتمعات هنا .



ابن زياد

حيا بنت ملاك كيف انتي دل على الشباب انتي والحرب والجنان ناهي

هههههههههههههههههههه

قولي لها حتى عرضنا عليها هدنه مؤقته وماردت.

نشتي نتفرغ للحلفه هنا . اختي اليمانيه بانتظارك لتجهيز الحفله .

ومش بعيد اذا ماقبلتوا الهدنه انهم يهجموا عليكن وانتن مجتمعات هنا .



ابن زياد



حيا ابن زياد ربي يرعاك
هدنة كويسة امانة اني افتجعت من بنت ملاك والله طلعت قائدة رهيبة

الله يكون بعونش اليمانية وانا اقول مالها مابتدخل الماسن


دموع مش انا هذا رحال هههه متحمس


ابن زياد كلم رحال رئيس العصابة ههههه

ملوكه تشتي وساطه لتعملي هدنه

بعيده عليش وعلى شلتش
ههههههههههه

يمانيه وينك الله يكون بعونش

مسا ءالنور والعافيه والقرم الدافيه

<<< ابسرت لهجه يمنيه صنعانيه عجبها الحال :: يوجعلي جعاله من ذي القسم هههههه

اشتي اسالش يادموع كم جهدش تلوني على حرف حرف ردودش ^ـ^

سراب بيت من تشتي هههه


حيا حيا غنوجه نورتي

ملوكه بلا احراجات بيتكم والعشاء عندكم
بيكون يوم النور والصلاة على الرسول
اسمعي بس بروح اشوف لي قات قبل ما اجي اتعشي شكلها بتكون سمره
ههههههههههههههههههههههههههه

يحييش ويبقيش ملوكتي

و سراب ياعيباه قدنسينا العيش والملح جحفه لك

حيا ملان الدرجان كيف انتو غنج صنعاء نورتي الموضوع يا روحي الغالي
ومالك سراب ما تشتي مثل الجهال
كيف انتو بنت ملاك واليمانية

ملوكه بلا احراجات بيتكم والعشاء عندكم
بيكون يوم النور والصلاة على الرسول
اسمعي بس بروح اشوف لي قات قبل ما اجي اتعشي شكلها بتكون سمره
ههههههههههههههههههههههههههه





اللهم صلي وسلم عليه وعلى اله الطيبين الطاهرين

تمام ولا يهمك جي عندنا في سجن النساء :biggrin:

يحييش ويبقيش ملوكتي

و سراب ياعيباه قدنسينا العيش والملح جحفه لك

هههههههههههه
من قال لك ان صاحب ذمار ينسى العيش والملح قولي لي من خبرك :biggrin:

ملوكه يستاهل الشقى عندكم في سجن النسوان

صباح الخير والعافية
كيف أنتو
معي لكم قصة جنان

----- طبعاً القصة منقولة مش من عندي هههه


-----

ابوعلي: ياولدي ضيعت مالك وصحتك ووقتك في هذا القات


علي | يا أبي خلينا نخزن ما معانا من هذه الدنيا بكره نموت

ابو علي:ناهي كم قد لي انصحك وكل شوية تقلي بكرة بنموت وما رضيت تموت اسكه اقلب وجهك ...يام علي اين القهوة
ام علي: كلمت إبنك في الموضوع؟
ابوا علي: ايوا ماسمعتيش او صنجا؟
ام علي:الموضوع الثاني ام القات قد في راسي دودي منه ماااااافيش فايده
ابو علي:هااااااا قصدش...




سعاد من بعييييد تحدث نفسها : الله ما أبي كيفه مثل المكلف، متى عا يقع رجال مثل اصحاب مطلع ويكسر لقف اخي!
علي من ورائها : ايش تقولي يا بنت ال..... "طراااااااااااااااااااااااااااق"،(وصفع علي سعاد صفعة طلعت اسنانها)!
أم علي تجري كالمجنونه: بنتااااااااااااااااااااااااااااااي، قسما ودين ياعلي ما تدخل لي باب بيت.
أبو علي: حرام طلاق(طبعا هذا حرام)، ما تخرج الا ذلحين، لكن تعال معي،(ويمسك أبو علي علي من ناصيته وكأنه يقوده إلى نار الجحيم، وبعد عبور الشارع الرئيس)،
سيارة مسرعة: طييييييييييييييييييييييط طييييييييييييييييييييييييييييييط، عليكم من الله ما تستحقوا يا عيال....(طبعا حرام السب)، ابصروا سع الناس.
علي : ابصرك يا ابه ان ربي كان عا يعاقبك وكانت عاتدعسك السيارة!.
أبو علي: في وجه علي: طرااااااااااااااااااااااااااااااق، (وصفع أبو علي علي، كادت معها أسنانه أن تتقارح)...
؟؟؟؟؟
؟؟؟




علي: أبه اسألك بالله وين تبزني، واااااااااااااااااااااأ
أبو علي: اسير أأدبك، والله ما بزك الا القسم تتأدب
علي: (انبطح على الأرض يقبل قدم أبيه حتى أضحت جزمة الأب نظيفة تلمع من كثر الدموع)
أبو علي: يالله خلاص هذي المره عرق اذنك، كما تضبح بامك والا باختك الله شلك الله جابك...
علي:( يظهر ابتسامه عريضه،ماكره ويحدث نفسه): الله لو انا بأمريكا، والله مايسطا يدحرني دحره هذا أبي...
أم علي من الطاقة: وااااااو رجع التنيح بن التنيح.... يابو عليييي، والله ما تدخل لي من باب انته وابنك..
سعاد: والله ان مي زره، ماشاء الله عليها، وابي، على مايقولوا اصحاب البيضاء "مغتوت"...
...


علي: Hi ياذوليه
ابو علي:تحاكى سوا شلوك الجن انت والهاي حقك
ام علي:راجعين الاثنين وقد سديتا اما انا عليا يمين ماتدخل انت وابنك من باب حرام عليكم رفعتو لي الضغط والسكر وقدنا مقطقطه ماعاد فيني عرق
علي:سعاااااااااااااد جي غسلي قاتي ساع الناس
سعاد:والله ما اغسله لو تموت حتى الملطام عاده باين




علي: انتي عاتبسري إذا ما اورم بالصابر الثاني ما نا علي
سعاد: قسما ودين، انته عاتبسر والله لاتعلم كراتيه وكونغفو، وبعدا اتحديك...
ومرت أيام وشهور وبعدها أعوام وسعاد الملطشة والمضربه حق البيت...
...
..
وبعد أن حصلت سعاد على الحزام الأسود، عر حد يدحرها بالبيت
علي: سعاد ابوس ايدك غسلي لي القات
سعاد:تعال بوس،ما انته الا حق هدره، اسكه جيئ!
علي:أقبل منكبا على وجهه يقبل يدي أخته سعاد صاحبة الحزام الأسود
أم علي: تحدث نفسها:والله ان قاني ناقزه من سعاد، لعاترجع تعمل مصيبه بعلي
أبو علي: ايش تقولي يامره!!!!!!!!
أم علي: هأ هأ، لالا ولا حاجه ياحبيب القلب
أبو علي: هأ هأ قلك حبيب قلك بطيخ، قالمره رجل بالدنيا ورجل بالقبر وعادها تخرف!!!
....
...
مرت سنين وأعوام، واتضح للعائلة الكريمة، المثل الشهير " بعض ناس ما يجو إلا بالدعس"
وكذلك المثل الآخر " الصميل خرج من الجنة"
..........
... تدور أحداث القصة وينقلب الحال وأصبح علي ملطشة البيت لسنوات وسنوات، لكن الرائع في القصة، أن المثل " الصميل خرج من الجنة" آتى أكله وانقلب حال علي من مستهتر إلى متدين ملتزم، يصلي جماعة في المسجد، مطيع لأمه وأباه، ويحب أخته سعاد"البطلة" حبا جنوني....
.....
... وتدور الأحداث...وتدور....
....؟؟؟؟


سعاد:يمه؟
ام علي:مو بينك؟
سعاد:ابسرت اليوم في التلفزيون بيقلوا ضل راجل ولاضل حيطة إإإإإإ يعني ماقصدهم؟
ام علي:قصدهم تنقلعي من قدام وشي وتبسري الغنم قد ما توا من الجوع وانتي كودش لاصقه في التلفزيون من بعد الكونغفو حقش
سعاد:يوووووه يمه مالكم ما بتفهموا


وعدت الساعات الطوال وسعاد أمام شاشةالتلفزيون، ومش دارية وين الله سارح به، حسها وبالها عند المثل الشهير" ظل راجل ولا ظل حيطه"!... وفي منتصف الليل وأم علي وسعاد تبحث عن النوم تنقلب من حال إلى حال(بالإبي، حال يعني جانب,ههه)...المهم....تن تن تاااااااااااااااان..تتتن...
أم علي: أبوعلي مو بك راقد سع الثور، الله يشلك، قم قم، حس بي ، بنتك كبرت واحنا راقدين
أبو علي: مو بيك يا مره شغلتيني، مو اقول مله، الله يسامحك، خليني ارقد بالله عليك
أم علي: ارقد لك رقدي يخمدك....
" وطلعت الشمس تلوح في الأفق، وأم سعاد مازالت مطننه، حتى صلاة الفجر نستها!!!"
أم علي: أبو علي قم قم الاثوار ليصّايحين، والدجاج بيتماوتين، قم ابصر ابنك وينه...
أبو علي:....؟؟؟؟




ابوعلي:ياالله ترضى علينا موبيك يامره الاثوار قد بعتهم من زماااااان
ام علي: مش شايفه الفلوس يعني(تتكلم مصري)
علي:صباح الخير ... خلاص يابه قد نا قررت شااتزوج بنت عمي مصلح سنيه ماشتيش متعلمه توجع راسي بالفلسفه والهدار
ابو علي:اهههههههههم عرفتي يامره اين الفلوس مابش معي منقير وابنك يشتي يتزوج ماابسرت قدامي غير الأثوار
ام علي:ماذلحين ارتاح بالي
ابوعلي: الحمد لله
ومرت الأيام ومازالت سعاد مطننه "وطنانه بطيبة نفس"، تزوج أخوها الذي كان بين يديها ملطشه لأنه معاها حزام أسود وهو لا أسود ولا حتى ازرق!!!
" تبين لسعاد أن البنية مالها إلا زوجها، وأن الكونغفو لا "تسمن ولا تغني من جوع عندها"، وظل المثل الشهير" ظل راجل ولا ظل حيطه يزن ويزن"
سعاد: أبه أني قررت أبطل كونغفو!
أبو علي: مش معقووووول، انتي مجنونه الا بعقلك، والله من يوم ما شليتي الحزام الاسود ما صطى سرقي يدخل الحول..
سعاد: أبه "ظل راج...." هاه ، عفوا....
أبو علي: سعاد! مو بك، جننتي، الله يشفيك ويعافيك
سعاد تحدث نفسها: "قلبي دود وعكابر سود"، "أحرق قلبه من قلبه سالي"!(طبعا هذا حرام شرعا)...
أم سعاد: "من الحوش تنادي" يا بو علي ياسعاد ياالله صبوح"، الله يهديكم قاني "مشحبه" من كثر الصياح
سنية: موبه امك يا علي تصيح، مانا امي الا هادئه، قاهو من اوله، الله يستر(للأسف حال كثير من النساء الآن)

أنتظروا الباقي ناهي

الحمدلله واخيراً
تسلم يدش يادموع
احنا معش على طول الطريق
مريعين للباقي

قصة روعه وضحكت من الاحداث احسن شيء سعاد واللي سوته باخوها يستاهل

بس ماعرفت ماهو الحول

حيا حيا همسة اليمن وين انتي ما عاد بسرناش سرجتي الصفحة حيا حيا ملوكة كيف انتي حيا حيا دموع الثلج جبرني بعافيتكن الله يحفظكن من العين

تسلمي روحي الغالي دموع حقش الحزوية حالية قوي بس اللهجة فيها مخلطة مشي صنعاني وبس ومريعين لباقي الحزوية تجي تحازينا بها
نشتي نبسر النهاية ما عيقع لسعاد وامها من مرت علي هههههههه

الله ينور قلبش ويضحك سنش دموعي

يامنعاااااااااااه لاغر كنوا اطرحوا قصص زغيره على سب نقراها براحتنا ونقراها كلها سع الناس :high:

اما لما تكبر قد الواحد يزوط منها ويدعمم احسن
:n200667:
او ماقالوا اصحاب البلاد

نشتي حزوية من حق التفرطات .... ههههههههViolence

حيا حيا أخي باشق اليمن نور الله قلبك هيا مه أو ما قدرتش تقرا الحزوية هذا بس شوية منها عاد معاها باقي

ريع بس لوما تكمل دموع حقها الحزوية وبعدا ندي لك حزوية من حق التفرطات ههههه ولا يهمك

اسلمو ماتقصروا يابنت بلادي ... اصلاً قدهي هوايتكم يانسوان ... الحزاوي والتفرطات :biggrin:

حتى المنتديات ما سلمين من كثر الهدار حقكن :n200664:....هذا وعاد الحزوية ماكملت فكيف عاد الباقي
قدهي سع حلقات افتح ياسمسم مالها طرف :n2009102:

لكن الصدق بتطلع الحزاوي بالصنعاني رووعةMovements

حيا لكم جميعاً
حيا ملان الدرجان
نكمل القصة
لكن اول تجي ريحانة قلبي وغنج صنعاء وابن وزياد يقروأ الفصل الاول
وبعد نكمل ناهي

قدنا شاقول لكم يانسوان قفلو الحزاوي حقكن بيوجعين اذااني
هههههههههههههه

كملي ياادموع ماعليش من كثر الغاج

واصلي

قدني خاوره اسمع حزويه

سملت يداك الاخت الفاضله دموع الثلج

متابعيين معك فصول القصه .







ابن زياد

حيا ملان الدرجان كيف انتو غنج صنعاء نورتي الموضوع يا روحي الغالي
ومالك سراب ما تشتي مثل الجهال
كيف انتو بنت ملاك واليمانية

يحييش ويبقيش دموعه

منور فيش والله ,, تسلمو يانظر

حجر وسيري سايرة ... وين البخور والامور والذا والذاك

هيا لاغر اسبكو الجلسة :n200661:

http://www.mexat.com/vb/attachment.php?attachmentid=492450 (http://www.mexat.com/vb/attachment.php?attachmentid=492450)

(http://www.mexat.com/vb/attachment.php?attachmentid=492442)

حيا أخي باشق قذا انت سبكت الجلسة بهذولا الصور الحاليات سلمت من كل عنا

أخي ابن زياد وأخي سراب كيف أنتوا وين انتوا تجوا تجلسوا في المفرج حق أخي باشق وتبسروا المنظر الحالي من الطاقة وتفعلوا لكم عودي قات

حيا حيا بالبنات الحاليات دموع الثلج وبنت ملاك وريحانة صنعاء وغنج صنعاء وهمسة اليمن نور الله قلوبكن وجبرني بعافيتكن

حياكم الله كلكم الى الطيرمانة حقي :n20063:

لاغر الصدق الذوق مع البنات في اختيار البخور الحالي والجلسة الذواقة وانا شااركن عليكم يايمانية

الدعوة عامة للجميع

ههههههههههههههههه
يمانيه قد انا بين اجي عندكن ما بين القاش شي بخور من حق سوق الملح يعمي العين ويكبذ الصدر

قد فيني حساسيه منه
ههههههههههه
باشق خلاص اانا بجي ونجلس سواء بس بدون قات تمام

ملاك = اللغاجه مش حاليه لا زادت عن النسوان ههههههههههههههههههه
يمانيه انا بجي على طووووووووووووووول